Forbod mot privat innførsel av tobakks- og nikotinprodukt i sendingar

Det er forbode for privatpersonar å bestille røyk, snus, e-sigarettar/vape og andre tobakks- og nikotinprodukt frå utlandet.

Forbodet gjeld alle måtar å bestille frå utlandet på, som for eksempel netthandel. Eit sal blir rekna som «grensekryssende fjernsal» når kjøpar og seljar er i ulike land på bestillingstidspunktet.

Desse produkta er det forbode å importere:

Sigarettar
Snus
Vape/e-sigarettar med nikotin
E-væske med nikotin
Sigarar
Andre tobakksprodukt
Nikotinsnus (utan tobakk)
Oppvarma tobakksprodukt (HTP)
Vasspipetobakk
E-sigarettar og e-væske utan nikotin med karakteristisk aroma
Etui, esker, omslag, innpakningar og andre produkt som heilt eller delvis skjuler helseåtvaringane på produkta

Desse produkta er det lov å importere:

Urteprodukt og snus utan tobakk og nikotin
E-sigarettar og e-væske utan nikotin med tobakkssmak

Du kan og importere e-sigarettar/vape og e-væske med nikotin til bruk ved røykeavvenning, dersom krava i legemiddellovgivinga er oppfylte.

Kva betyr forbodet i praksis

Forbodet gjeld for alle som ikkje har løyve til å innføre tobakksvarer til Noreg. I praksis betyr det privatpersonar.

Bryt du reglane, kan Tolletaten halde tilbake, ta beslag i og destruere varene. Du får ikkje erstatning for varer som blir øydelagt.

Kva seier regelverket?

Tobakkskadeloven Forskrift om innhold i og merking og utforming av tobakksvarer mv. Forskrift om godkjenningsordning for nye tobakks- og nikotinprodukter Forskrift om tilvirkning og import av legemidler

Oppdatert: 31.8.2026