Rådiamantar
Import og eksport av rådiamantar er underlagt særlege krav. For å importere rådiamantar til Noreg må du oppfylle krav til registrering og dokumentasjon.
Som importør må du:
- vere registrert hos Norges Gullsmedforbund og
- ha eit sertifikat utferda av eksportøren i avsendarlandet som følgjer sendinga
Norges Gullsmedforbund er tilsynsstyresmakt for rådiamantar. Tolletaten stansar sendingar med rådiamantar på grensa, medan Gullsmedforbundet gjennomfører sjølve kontrollen.
Du må varsle Norges Gullsmedforbund om all import av rådiamantar seinast éin arbeidsdag før sendinga passerer grensa.
All import og eksport av rådiamantar skal skje over Gardermoen tollstad.
Les meir om import og eksport av rådiamantar hos Norges Gullsmedforbund
Oppdatert: 4.8.2026