Tømmer og trelast med meir

Sunnheitssertifikat for trevarer

For enkelte typar tømmer, trelast og trevarer må eit sunnheitssertifikat følgje varene. Mattilsynet skal godkjenne og registrere importen.

Krav til sunnheitssertifikat og melding om import til Mattilsynet gjeld i hovudsak for tømmer og ei rekkje varer framstilte av bartre med opphav i ikkje-europeiske land, samt Portugal. Nokre varer framstilte av lauvtrevirke med opphav i eit avgrensa tal land har dei same krava.

Sunnheitssertifikatet dokumenterer at vara oppfyller krav til plantehelse og skal bidra til å hindre spreiing av planteskadegjerarar.

Trua planteartar (CITES)

Nokre typar tømmer, trelast og varer av tre kan vere omfatta av regelverket for handel med trua plante- og dyreartar (CITES).

CITES-regelverket skal bidra til å verne trua artar mot uhaldbar internasjonal handel.

Dersom vara er omfatta av CITES-regelverket, kan det vere krav om løyve eller anna dokumentasjon ved import.

Treemballasje

For treemballasje som følgjer med importerte varer, gjeld eigne krav til behandling og merking etter den internasjonale standarden ISPM 15.