Eksport- og importsanksjonar mot Russland

Restriksjonane omfattar mellom anna bestemte varer, teknologi og tenester. Formålet er å avgrense Russland si evne til å finansiere og føre krig.

Før du eksporterer eller importerer

Verksemda må vurdere om vara er omfatta av sanksjonane eller andre eksportkontrollreglar før eksport eller import blir gjennomført.

Informasjon om gjeldande sanksjonar finn du hos Direktoratet for eksportkontroll og sanksjonar (DEKSA).

Les meir om sanksjonane hos DEKSA

Eksportøren sitt ansvar

Det er eksportøren sitt ansvar å sikre at utførselen skjer i samsvar med gjeldande regelverk.

Eksportøren skal gjennomføre ei eiga vurdering av om vara er omfatta av eksportrestriksjonar eller krav om lisens.

Vurderinga må kunne dokumenterast og leggjast fram ved kontroll.

Kva bør ei eiga vurdering innehalde:

• beskriving av vara
• klassifisering eller referanse til varenummeret i deklarasjonen
• referanse til aktuelle føresegner i regelverket
• opplysningar om eigenskapar, utforming, spesifikasjonar og bruksområde
• grunngiving for kvifor varen kan eksporterast

Vurderinga må tilpassast den enkelte verksemda og den aktuelle vara.

Sjå eksempel på ei god eiga vurdering

I deklarasjonen kan det opplysast i rubrikk 44 at ei eiga vurdering er gjennomført.

Dersom vara er lisenspliktig, er det eksportøren sitt ansvar å sørgje for at gyldig eksportlisens ligg føre.

Eksportkontroll av strategiske varer

Eksport av våpen, forsvarsmateriell, fleirbruksvarer og andre strategiske varer er regulert av eksportkontrollova.

For enkelte varer, teknologi og tenester må det liggje føre utførselslisens før eksporten kan gjennomførast. Varene som krev utførselslisens, går fram av Liste I og II til eksportkontrollforskrifta.

Liste I omfattar forsvarsmateriell

Liste II omfattar sivile varer som kan ha militær bruk (fleirbruksvarer eller dual use-varer)

Import frå Russland

Det er innført forbod mot import av fleire varegrupper frå Russland.

Kapittel 4 i sanksjonsforskrifta viser kva varer og teknologiar som er omfatta av importforbodet.

Eksempel på varer som kan vere omfatta:

• forsvarsmateriell
• jern
• olje
• trevirke
• stålprodukt

Importforbodet omfattar også varer med russisk opphav.

Klassifisering er avgjerande

Mange av sanksjonane viser til konkrete varenummer eller kapittel i tolltariffen.

Rett klassifisering er derfor avgjerande for å kunne vurdere om ei vare er omfatta av restriksjonane.

Finn rett varenummer i tolltariffen

Viktige opplysningar i deklarasjonen

Sørg for at deklarasjonen inneheld:

• korrekt avsendar og mottakar
• detaljert varebeskriving
• opplysningar om sluttbrukar
• korrekt varenummer

Tolletaten tilbyr kurs i klassifisering og rettleiing om utfylling av deklarasjonar.