We’re sorry — this page hasn’t been translated into English. Need assistance or can’t locate what you’re looking for? You can reach our customer service center here.
Endringar i Transitterings- og SAD-konvensjonen. Felleskomiteen sine vedtak 2/2024, 1/2024 (SAD) og 3/2024.
EU/CTC sin felleskomite for felles transittering og forenkling av formelle vilkår i varehandelen (SAD) fatta den 21. oktober og 5. november 2024 tre vedtak. Vedtaka vart fatta ved skriftleg prosedyre.
Vedtak 2/2024 (transitteringskonvensjonen)
Vedtaket omhandlar invitasjon til Georgia om å tiltre Konvensjonen om ein felles transitteringsprosedyre (Transitteringskonvensjonen) i samsvar med konvensjonen sin artikkel 15(3)(e).
Vedtak 1/2024 (SAD-konvensjonen)
Vedtaket omhandlar invitasjon til Georgia om å tiltre Konvensjonen om forenkling av formelle vilkår i varehandelen (SAD-konvensjonen) i samsvar med konvensjonen sin artikkel 11(3).
Vedtak 3/2024 (Transitteringskonvensjonen)
Vedtaket omhandlar endringar av vedlegg III og IIIa til Konvensjonen om ein felles transitteringsprosedyre. Bakgrunnen for endringane er at Georgia blir invitert til å tiltre konvensjonen som ny avtalepart. For å ta høgde for situasjonen som gjeld garantiar og garantidokument, må vedlegga til konvensjonen som er nemnt over, endrast.
Vedtaka tredde i kraft 1. februar 2025.
Dei gjeldande bestemmingar blir endra i samsvar med dette.
Oppdatert: 2.9.2026