Tilbakebetaling ved feil innkrevjing av avgifter

Feil som er gjort av VOEC-registrert nettbutikk

Dersom du har betalt meirverdiavgift to gonger for same vare frå ein utanlandsk nettbutikk som er  VOEC-registrert, må du ta kontakt med nettbutikken du handla hos for å få tilbake pengane.

Du kan berre få tilbakebetalt éi av dei to avgiftene.

Du kan også be om tilbakebetaling dersom nettbutikken har kravd meirverdiavgift for ei vare som skulle vore fritatt, for eksempel ei bok.

Tolletaten er ikkje involvert i slike saker og behandlar ikkje søknader om tilbakebetaling i desse tilfella.

Feil i sendingar med fleire mottakarar

Dei fleste varer til privatpersonar med verdi opp til 3000 kroner, inkludert frakt, blir deklarerte saman med varer til fleire mottakarar i éi felles sending til Tolletaten. Dette vart tidlegare kalla samlefortolling.

Tolletaten behandlar ikkje søknader frå privatpersonar om å rette denne typen deklarasjonar. I slike tilfelle må du ta kontakt med speditøren eller transportselskapet som handterte sendinga.

Dette gjeld uansett om du vil ha tilbake meirverdiavgift, særavgift eller tollavgift.

Er du usikker på kva avgifter du har betalt, kan speditøren eller transportselskapet hjelpe deg. Dei kan også svare på om dette er ei sending med løyve til å deklarere varer til fleire mottakarar på same deklarasjon.

Når kan du søke hos Tolletaten?

Dersom feilen ikkje er gjort av ein VOEC-registrert nettbutikk, og sendinga di ikkje er deklarert på ein deklarasjon med fleire mottakarar, kan du søke Tolletaten om å få retta feilen.

Du søker via skjema i Altinn: