Diese Seite ist leider nicht auf Deutsch verfügbar. Sollten Sie die gesuchten Informationen nicht finden, wenden Sie sich bitte an unseren Kundendienst.
Forenkla ordning for overgang til fri disponering av alkohol og tobakk
Når du reiser til Noreg frå utlandet, eller frå Svalbard og Jan Mayen, kan du ta med varer innanfor den avgiftsfrie kvoten. Du kan også nytte ei forenkla ordning for overgang til fri disponering for alkohol- og tobakksvarer som overstig den avgiftsfrie kvoten, opptil ei viss mengde.
Den forenkla ordninga gjeld for inntil 27 liter øl og/eller vin, fire liter brennevin, 400 sigarettar og 500 gram tobakk eller snus.
For å nytte den forenkla ordninga kan du enten deklarere varene i Kvoteappen, eller gå på raud sone og deklarere dei der.
Ver merksam på: Den forenkla ordninga gjeld ikkje for varer du kjøper i taxfree-butikken ved ankomst til ei norsk lufthamn. Slike varer må du deklarere for prosedyren overgang til fri disponering med vanlege avgiftssatsar.
Overgang til fri disponering er den einaste tollprosedyren som gjer at ei vare blir heilt frigjort frå tollmyndigheitene si oppfølging. Når ei vare går over til fri disponering, skal det bereknast tollavgift og andre avgifter.
Satsar for 2026
| Vare | Mengde | Sats |
|---|---|---|
| Øl (også sterkøl) over 2,5 volumprosent | Til saman inntil 27 liter | 26 kr pr. liter | 7,86 kr pr. enhet 0,33 liter |
| Drikk med alkoholstyrke over 2,5 til og med 4,7 volumprosent | Til saman inntil 27 liter | 26 kr pr. liter | 7,86 kr pr. enhet 0,33 liter |
| Drikk med alkoholstyrke over 4,7 og under 15 volumprosent (f.eks. vin) | Til saman inntil 27 liter | 71 kr pr. liter | 54 kr pr. heilflaske |
| Drikk med alkoholstyrke frå og med 15 til og med 22 volumprosent (f.eks. sterkvin) | Til saman inntil 27 liter | 136 kr pr. liter | 99 kr pr. heilflaske |
| Drikk med alkoholstyrke over 22 til og med 60 volumprosent (f.eks. brennevin) | Inntil 4 liter | 432 kr pr. liter | 296 kr pr. heilflaske |
| Røykjetobakk | Til saman inntil 500 gram | 397 kr pr. 100 gram |
| Snus | Til saman inntil 500 gram | 124 kr pr. 100 gram |
| Skråtobakk | Til saman inntil 500 gram | 165 kr pr. 100 gram |
| Sigarar og sigarillos | Til saman inntil 500 gram | 397 kr pr. 100 gram |
| Sigarettar | Inntil 400 stk. | 397 kr pr. 100 stk. |
| Sigarettpapir og -hylser | Inntil 400 stk. | 7,32 kr pr. 100 blad/hylser |
| E-væske med nikotin | Inntil 40 milliliter | 6,78 kr pr. milliliter |
| Tobakk til oppvarming | Inntil 400 gram | 397 kr pr. 100 gram |
| Andre nikotinvarer | Inntil 400 gram | 64 kr per 100 gram |
Om du ønskjer å importere større mengder alkohol enn dette, gjeld dei vanlege avgiftssatsane.
Les meir om privat innførsel av alkohol
Du kan ikkje innføre drikkevarer med alkohol med alkoholstyrke over 60 prosent utan særskilt løyve.
Tilbakebetaling av avgifter i Kvoteappen
Har du brukt Kvoteappen og meiner at du har betalt for mykje i avgifter, kan du søkje om tilbakebetaling.
Om du deklarerer varene på raud sone, kan du fylle ut skjemaet der.
Søknad om tilbakebetaling av avgifter i Kvoteappen
Her finn du skjema for å søkje om tilbakebetaling
Kva seier regelverket?
Oppdatert: 31.8.2026