Kvoteappen
Med Kvoteappen kan du rekne ut om du er innanfor kvoten. Du kan også raskt og enkelt fortolle alkohol, tobakk og andre varer som går over den toll- og avgiftsfrie kvoten.
Last ned Kvoteappen i App Store
Last ned Kvoteappen i Google Play
Korleis bruke appen?
Kvoteappen har to hovudval på startsida:
- Sjekk om du er innanfor kvoten (anbefalt val)
- Veit du kva du har med deg over kvoten? Gå rett til fortolling
Sjekk om du er innanfor kvoten
Er du litt usikker på kvoten anbefaler vi at du vel funksjonen “Sjekk om du er innanfor kvoten”. Her kjem du til kvotekalkulatoren som lar deg rekne ut ulike kvotekombinasjonar.
Her legg du inn alt du har kjøpt og appen reknar ut om du er innanfor kvoten. Dersom du har med deg for mykje, kan du gå vidare til betaling og fortolle direkte i appen.
Når du har betalt i kvoteappen, kan du gå på grønt. Du kan også bruke Kvoteappen før du passerer ubetente grenseovergangar, enten du kjem til Noreg med fly, båt, tog eller bil.
Merk at det ikkje er tillate å kjøpe meir enn kvoten i taxfreeutsal når du kjem til norske flyplassar.
Over kvoten
Dersom du veit nøyaktig kva du har med for mykje, kan du bruke funksjonen “Over kvoten”. Her skal du berre legge inn det du skal betale avgifter på.
Oppdatert: 27.5.2026