Oppbevaring av transitteringsdeklarasjonar

Oppbevaringsfrist for elektroniske transitteringar

Transitteringsdeklarasjonar (følgedokument) som er starta og avslutta i det elektroniske systemet NCTS skal oppbevarast i eitt år av den som leverer deklarasjonen. Dette gjeld også for grunnlagsdokumenta til kvar enkelt transittering.

Næringslivet skal oppbevare historisk register (logg) uendra og sikkert i minst ti år.

Oppbevaringsfrist for transitteringar starta under ein nødprosedyre

Oppbevaringstida for transitteringar som er starta med einingsdokument (eksemplar 1, 4 og 5), eller med følgedokument i ein nødprosedyre, er tre år. Tida blir rekna frå slutten av det året transitteringa starta.

Når transitteringa ikkje blir fullført i NCTS

Dersom bestemmelsestollstaden ikkje får fullført ei transittering i NCTS, må «rykkattesten» (ankomstbekrefting IE006 og kontrollresultat IE018) sendast tilbake til avgangstollstaden på papir (IE110).

I slike tilfelle skal ein kopi av følgedokumentet oppbevarast i tre år.

Når autorisert mottakar ikkje får sendt meldingar i NCTS

Av og til kan ein autorisert mottakar ikkje sende inn ankomstmelding (IE007) og/eller lossemerknader (IE043).

For å få fullført prosedyren må følgedokumentet, med lossemerknader, sendast til tollstyresmaktene.

I slike tilfelle bør følgedokumentet oppbevarast i tre år.